Radiô Arpitania

La radiô de l’arpitan*

arpitan = francoprovençâl = ‘patoués’
= groupo de lengoues tot u tôrn du Mont-Blanc et dens ux Poulyes. Cârta. Détalys en Arpitan / F / GB

Grand mèrci a la “Fondation du Patois” valêsâna por lo gent calendriér pèrpèrtuel enque sur la drêt.
Dzakye ‘l at betâ /fechiê l’ècritura de rèfèrence ORB.  De chôdtemps, dês lo 31 mê, Dzakye ‘l at lo siô calendriér, mas pas oncor la résta du temps…

Pire/Jesto ora! 

Jesto aprés! 

Quent biô fortemps, en Valês et tot u tôrn du Mont-Blanc!

 Dês lo 2 avril et tant qu’a u 31 mê 2024, le PROGRAMO de 2 hores torne enreyér chaque 3 hores!

Ux hores:  03:00, 06:00 , 09:00, 12:00, 15:00, 18:00, 21:00, et minuét

Bônes Pâques a totes et tués!

Dzakye, l’animator de Radiô Arpitania vos at pas oublâ… mas il enréye pire/solement/ren que  ora a travalyér por la radiô! Li fortemps/forê/salye-foura ‘l est selya/enque, fét fllorir arbros et bosson, poussar l’hèrba sur les prâts/pâquiérs, et fét du ben, d’a-un/est-il pas!? 

Li Cor des Patouésans Valêsans s’aprèstave ja dês grandtemps por vos fére plèsir en ceta sêson. ‘L ant yu lor concèrt lo 23 de mârs 2024, et vos pouede/povéd ora acutar un batalyon d’èxtrêts sur Radiô Arpitania tant qu’a la fin de mê. A prôpos j’é cièrnu des bocons prod corts, et surtot les contes que sont étâ contâs u temps de ceta velyâ: Quent plèsir d’aouire la comèdia “la cegala et la fromia” betâ/fechiê en scène avouéc una chançon du Treyent!…

 La “Fondacion du patois” du canton du Valês, l’aviéve organisâ una velyâ de contens en la mêson de Contes de Dorénaz en 2008. Dzakye ‘l arêt prod vôt/volu vos fére aouire la derriére velyê que ‘l est passâye lé derriérament, mas créso pas que ‘l est étâ enregistrâye. Tot cen por dére que ‘l est li velyâ de contes de 2008 que l’est mèclâye avouéc lo concèrt du Cor des Patouésans Valêsans.

Por ceti côp j’é métu/fechiê/betâ des chançons valêsanes pletot modèrnes et ritmâyes por pas vos barbar avouéc trop de parlements!…

Quent plésir de vivre, les amis, et coment diont les Vôdois,
vos “côrso” /kójó/ (vos souhèto, vos combèto) ben du plèsir sur RADIÔ ARPITANIA !

Dzakye Mounir

Saviésan, Valêsan, et animator de Radiô Arpitania 

Baladodifusions des Associacions

Oncor més de ceti mécllo!
Baladodifusions séparâyes

Nos contactar per Whatsapp CELYA ou avouéc l’icone.

S’abonar a la létra de difusion ENQUE ou avouéc l’envelopa!