Radiô Arpitania
La radiô de l’arpitan*
Grand mèrci a la “Fondation du Patois” valêsâna por lo gent calendriér pèrpèrtuel enque sur la drêt.
Dzakye ‘l at betâ /fechiê l’ècritura de rèfèrence ORB. De chôdtemps, dês lo 31 mê, Dzakye ‘l at lo siô calendriér, mas pas oncor la résta du temps…
Pire/Jesto ora!
Jesto aprés!
Les dirècts de Radiô Arpitania
´L at comenciê!… Dês fin mâye/mê sur Radiô Arpitania!
Lo printemps tèâtrâl, cognéde/cognesséd-vos?
Dês lo 14 julyèt et tant qu’a u 31 du mês d’oût 2024, le PROGRAMO de 2 hores tôrne enreyér chaque 3 hores!
Ux hores: 03:00, 06:00 , 09:00, 12:00, 15:00, 18:00, 21:00, et mi-nuet
Bon chôd-temps a totes et tués!
Dzakye, l’animator de Radiô Arpitania, ‘l est ja u mayen. Et aprés que l’avésse ja ben avanciê les transformacions du chalèt de la mâre a lui, s’ensovent tot per un côp que ‘l aviéve prometu un novél programo dês la fin de mâye/mê 2024.
‘L at ben yu des chouses u tôrn de l’arpitan/du patouès en ceti comencement de 2024! Lo printemps/fortemps tèatrâl 2024 ‘l est passâ en Val d’Aoûta, probâbllament sens que les ôtres locutors de la lengoua defôra les confins pouessont aouire, coment de cotema. Ceti an ‘l at yu 7 dâtes et 14 comèdies. Dzakye ‘l est étâ vêre et acutar la premiére, cela des “Digourdi” de Charvensod.
En Valês ‘l at yu “patois en vadrouille” et Dzakye ‘l at démandâ a la fondacion du patouès se l’arêt dabôrd des des enrègistrements por difusar sur Radiô Arpitania, mas ‘l ant rèpondu que faléve devant tot être sûr que totes les associacions fussont d’acôrd por cen… Vive la difusion dinamica de l’Arpitan. Cèrtins semblont pouerox que l’arpitan retonésse trop luen…
U temps du petit voyâjo de Dzakye en Vella d’Aoûta, ‘l at rècontrâ Paolo que ‘l est avouéc Simona li propriètéro d’un obêrjo jesto a pârt/de coutâ, franc gent et pas trop chier. Paolo âme la noutra lengoua et ‘l at partagiê ses emprèssions sur coment sè prège/pârle oncor en Val d’Aoûta.
‘L est pas tot lo temps simplo de s’emmodar en rèportâjo outre les “bouènes” (bôrnes, confins) coment diont les Vôdois… et coment vos vèrréd, Dzakye ére tant rebugiê que l’aviéve brâvament de rèflèccions quand s’est promenâ devant (que) d’alar u téâtro “Splendor”. Se vos vouede/voléd rèagir a cen que ‘l at barjacâ Dzakye, vos cognetre l’adrèce mèl: dzakye@radioarpitania.eu et lo numerô de tèlèfono: +41 76 548 65 10.
En atendent les voutros mèssâjos, vos combéto/souhèto/côrso bougrament de plèsir sur RADIÔ ARPITANIA !
Dzakye Mounir
Saviésan, Valêsan, et animator de Radiô Arpitania
Documents ôdiôs a pas mancar!
Nos contactar per Whatsapp CELYA ou avouéc l’icone.
S’abonar a la létra de difusion ENQUE ou avouéc l’envelopa!
